Emisioni “Stop” trajtoi sot procedurat e tenderimit dhe si aplikohen ato në institucionet shqiptare. Eksperti i ekonomisë, Vjoldi Danaj, tregoi, se anulimi i procedurës së tenderit, fituesit e paracaktuar dhe fondi i njëjtë me fondin limit, janë disa nga dukuritë që implikojnë rregullsinë e tenderave.
“Një tender shtetëror është kur një institucion shtetëror i kërkon privatit të vendosë në dispozicion kapacitetin e tij material dhe njohuritë ose aftësitë e tij për të realizuar qoftë një shërbim, por qoftë edhe një investim. Fatkeqësisht tenderat nuk e respektojnë procedurën ligjore. Pra që të bëhet shpallja, të pritet dhe të bëhen vlerësimet e nevojshme nga trupat apo komisionet që bëjnë vlerësimet e tenderit dhe pastaj të shpallet fituesit. Tek ne tenderat shpeshherë fillojnë për së prapthi. Është vendosur kompania që duhet ta fitojë tenderin, kompanisë i merren informacionet e nevojshme, kriteret dhe përpilohet në atë mënyrë që të jetë i paracaktuar fituesi. Kemi pastaj kompani të tjera që kanë plotësuar këto kritere që hedhin në gjyq shtetin.
Nga ana ekonomike është dëm i dyfishtë pasi janë paratë e gjyqeve dhe nga ana tjetër lekët janë orientuar që të shkojnë me doemos tek ajo kompani specifike. Një kriter shumë i rëndësishëm i tenderimit është edhe vlera monetare. Pra vendoset një vlerë maksimale, por që nuk duhet të jenë në dijeni kompanitë ofertuese sepse do të thotë që ata arrijnë në atë vlerë. Duhet të merret parasysh për ligje shtetërore tenderi me ofertën më të vogël. Çfarë ndodh? Kompania fituese i ka rënë në kokë çmimit aq sa ka qenë e planifikuar. Kjo do të thotë që kemi pasur rrjedhje informacioni. Nuk mund të ndodhë që kompanitë të jenë pikë për pikë me vlerën që është parashikuar. Kjo do të thotë që këtu është abuzuar”, tha Danaj.
“Stop” u ndal në tenderat e Universitetit të Mjekësisë, me tenderin e rikonstruksionit të sallave të rektoratit dhe çatisë së universitetit, të cilin e ka fituar kompania me ofertën ekonomike shume afër fondit limit, pavarësisht, se një operator tjetër, kishte ofertë më të ulët.
“Të gjithë e kuptojmë që oferta e këtij operatori nuk është më e favorshmja pasi diferenca është qesharake me fondin limit që ka vendosur institucioni”, tha gazetarja.
Në lidhje me skualifikimin e dy operatorëve të tjerë ekonomikë, kjo gjë ka ndodhur sepse njëra nuk ka vendosur fond, ndërsa tjetra që kishte ofertë më të mirë, nuk ka dorëzuar kontratat dhe librezat e punës tek universiteti i Mjekësisë.
Tenderi tjetër për furnizim dhe vendosjen e kondicionerëve është fituar nga një operator me zyra në Gjirokastër dhe me ofertë ekonomike shumë pranë fondit limit.
Ndërkohë 4 operatorët e tjerë me oferta më të mira janë skualifikuar me kleçka të sajuara.
Argumenti që ka përdorur Universiteti i Mjekësisë ka qenë mosplotësimi i kritereve sipas dokumenteve standarde të tenderit. Bëhet fjalë për mungesë në kapacitet teknik dhe ekonomik të këtyre operatorëve./Tv Klan
Emisioni “Stop” trajtoi sot procedurat e tenderimit dhe si aplikohen ato në institucionet shqiptare. Eksperti i ekonomisë, Vjoldi Danaj, tregoi, se anulimi i procedurës së tenderit, fituesit e paracaktuar dhe fondi i njëjtë me fondin limit, janë disa nga dukuritë që implikojnë rregullsinë e tenderave.
“Një tender shtetëror është kur një institucion shtetëror i kërkon privatit të vendosë në dispozicion kapacitetin e tij material dhe njohuritë ose aftësitë e tij për të realizuar qoftë një shërbim, por qoftë edhe një investim. Fatkeqësisht tenderat nuk e respektojnë procedurën ligjore. Pra që të bëhet shpallja, të pritet dhe të bëhen vlerësimet e nevojshme nga trupat apo komisionet që bëjnë vlerësimet e tenderit dhe pastaj të shpallet fituesit. Tek ne tenderat shpeshherë fillojnë për së prapthi. Është vendosur kompania që duhet ta fitojë tenderin, kompanisë i merren informacionet e nevojshme, kriteret dhe përpilohet në atë mënyrë që të jetë i paracaktuar fituesi. Kemi pastaj kompani të tjera që kanë plotësuar këto kritere që hedhin në gjyq shtetin.
Nga ana ekonomike është dëm i dyfishtë pasi janë paratë e gjyqeve dhe nga ana tjetër lekët janë orientuar që të shkojnë me doemos tek ajo kompani specifike. Një kriter shumë i rëndësishëm i tenderimit është edhe vlera monetare. Pra vendoset një vlerë maksimale, por që nuk duhet të jenë në dijeni kompanitë ofertuese sepse do të thotë që ata arrijnë në atë vlerë. Duhet të merret parasysh për ligje shtetërore tenderi me ofertën më të vogël. Çfarë ndodh? Kompania fituese i ka rënë në kokë çmimit aq sa ka qenë e planifikuar. Kjo do të thotë që kemi pasur rrjedhje informacioni. Nuk mund të ndodhë që kompanitë të jenë pikë për pikë me vlerën që është parashikuar. Kjo do të thotë që këtu është abuzuar”, tha Danaj.
“Stop” u ndal në tenderat e Universitetit të Mjekësisë, me tenderin e rikonstruksionit të sallave të rektoratit dhe çatisë së universitetit, të cilin e ka fituar kompania me ofertën ekonomike shume afër fondit limit, pavarësisht, se një operator tjetër, kishte ofertë më të ulët.
“Të gjithë e kuptojmë që oferta e këtij operatori nuk është më e favorshmja pasi diferenca është qesharake me fondin limit që ka vendosur institucioni”, tha gazetarja.
Në lidhje me skualifikimin e dy operatorëve të tjerë ekonomikë, kjo gjë ka ndodhur sepse njëra nuk ka vendosur fond, ndërsa tjetra që kishte ofertë më të mirë, nuk ka dorëzuar kontratat dhe librezat e punës tek universiteti i Mjekësisë.
Tenderi tjetër për furnizim dhe vendosjen e kondicionerëve është fituar nga një operator me zyra në Gjirokastër dhe me ofertë ekonomike shumë pranë fondit limit.
Ndërkohë 4 operatorët e tjerë me oferta më të mira janë skualifikuar me kleçka të sajuara.
Argumenti që ka përdorur Universiteti i Mjekësisë ka qenë mosplotësimi i kritereve sipas dokumenteve standarde të tenderit. Bëhet fjalë për mungesë në kapacitet teknik dhe ekonomik të këtyre operatorëve./Tv Klan
