Mëngjesin e së martës një çift kosovar është gjetur i vrarë në ndërtesën ku jetonte në Epinal të Francës.
Lidhur me ngjarjen e rëndë, mediat franceze kanë raportuar se ata janë vrarë me thikë. Gjithashtu, bëhet me dije se trupat e pajetë të viktimave i kanë gjetur fëmijët e tyre.
Nga ana tjetër, policia dhe zjarrfikësit ishin në vendngjarje që prej mëngjesit të së martës dhe deri tani por, ende nuk janë të qarta rrethanat se si ka ndodhur ngjarja makabre.
Gjithashtu, mësohet se këta dy prindër i kishin shtatë fëmijë të moshave nga pesë deri në 21-vjeç, dhe ishin duke qëndruar në Francë që nga viti 2018.
Së fundmi, në bazë të kontaktimeve me Ministrinë e Punëve të Jashtme të Kosovës dhe me Ambasadën e Kosovës në Francë, nuk është bërë me dije ndonjë lajm i ri.
