Policia e Krujës ka zbuluar një parcelë të mbjellë me kanabis dhe ka arrestuar një person. Në parcelë janë gjetur 300 bimë të dyshuara narkotike kanabis, të vendosura në kubikë.
I arrestuar është 69-vjeçari me inicialet, A. B., banues në Krujë, pasi, gjatë kontrollit të territorit, në lagjen Abaze, Krujë, në një sipërfaqe toke në pronësi të 69-vjeçarit, policia gjeti dhe sekuestroi në cilësinë e provës materiale, 300 bimë të dyshuara narkotike kanabis, të vendosura në kubikë.
Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.
