Kishte kërkuar ndihmë ekonomike, shqiptarit i gjenden në garazh 900 mijë euro drogë

Policia italiane ka arrestuar një 32 vjeçar shqiptar pasi iu gjetën në garazh 72 kg drogë.

Marijuana ishte futur në 7 çanta dhe ishte fshehur në garazhin e ndodhur në Torino të Italisë.

“Ishte një ngarkesë që duhej për Krishtlindje. Unë thjesht duhej ta mbaja atë për të tjerët”, tha shqiptari.

Agjentët thanë se shqiptari ishte në vështirësi financiare dhe kërkoi ndihmë nga disa bashkëqytetarë.

Nëse do të shitej në treg droga do të kapte vlerën prej 900 mijë eurove.