Kryeministri Edi Rama u pyet nga një studente në një takim në Gjirokastër lidhur me mbështetjen që do të japë qeveria për të rinjtë që mbarojnë shkollën dhe duan të punësohen në fushën ku kanë studiuar dhe jo të punojnë në pastiçeri.
Rama tha se jo të gjithë mund të punojnë në shtet, ndërsa foli dhe për të rinjtë që paguajnë 20 mijë paund për të ikur me gomone në Angli. Rama tha se nëse të rinjtë shqiptarë kanë 20 mijë paund për t’u larguar nga vendi, ato para t’i investojnë në vendin e tyre.
Gjithashtu ai i habiti të gjithë me deklarata e tij se në Shqipëri mund të paguhesh me rrogë sa trefishi i kryetarit të Bashkisë, kur duket qartazi se të rinjtë po iki emigrojnë cdo ditë për kushte më të mira pune dhe jetese.
“Trajnimi që fola unë s’ka të bëjë me ëmbëltoren mund të punësohesh pa lëvizur nga vendi fare e mund të marrësh pagë që mund të jetë sa trefishi i pagës së kryetarit të bashkisë. E dyta, këtu s’është cështja që të mbarosh shkollën e të punosh në ëmbëltore dhe pse ka plot njerëz që mbarojnë shkollat marrin diploma dhe në botën e zhvilluar dhe punojnë dhe në ëmbëltore. Duke u nisur nga shembujt konkretë jo nga teoritë, sot këtu në Gjirokastër kemi shembuj të rinjsh që kanë shkuar në fshat kanë hapur një sipërmarrje të vogël që rritet vit pas viti. E treta nuk është shteti zgjidhja. Kur thoni fjalinë duhet të kesh eksperiencë kjo është përgjigja që jepet nga ligji i bërë shumë vite më parë që për të hyrë në administratë duhet eksperiencë nuk mund të jetë shteti vendi ku punësohen të gjithë. Në shtet punësohen një pjesë e caktuar është gjithë hapësira e sektorit privat ku ka mundësira që kërkojnë patjetër sakrifica, durim, vendosmëri por nëse do ma thoshte të njëjtën gjë në Gjirokastër 5-6 vite më parë, do e kisha të vështirë të përgjigjesha. Sot se kam se kemi parë e shohim përditë shembuj që shtohen”, tha Rama.
