Sekretari i Përgjithshëm i PD, Gazment Bardhi ka reaguar pas protestës që u zhvillua sot në Shkodër, ku qeveria konstituoi dhunshëm kundër vullnetit të shumicës së qytetarëve, këshillin e ri bashkiak.
Në një dalje për mediat, Bardhi tha se ajo që ndodhi sot në Shkodër ishte një cirk i një qeverie të paligjshme.
“Protesta është një protestë qytetare, nuk është një protestë politike. Ajo që patë atje ishte një cirk i paligjshëm i një qeverie të paligjshme, që ka grabitur me krimin pushtetin qendror, sot tentoi të grabiste, po me krimin, pushtetin vendor. Në Shkodër dhe në të gjithë Shqipërinë nuk kanë për ta gëzuar asnjë ditë.”
