Këshilli i Bashkimit Evropian ka miratuar zyrtarisht Rregulloren e Certifikatës Digjitale pwr Covid-19. Miratimi përfundimtar i Certifikatës nga shtetet anëtare u mirëprit nga Komisioneri i Drejtësisë Didier Raders.
Në një postim në Twitter ai shkroi: “Mirëpres miratimin zyrtar nga Këshilli i BE-së të Certifikatës digjitale të BE-së për Covid-19 të hënën e ardhshme 14 qershor në 10.00 (me orën e Brukselit)”.
Certifikata Digjitale e BE për koronavirusin do të hyjë në fuqi në 1 korrik. Qëllimi i saj është të lehtësojë lëvizjen e qytetarëve brenda BE-së, në mënyrë të sigurt.
Mbajtësi i certifikatës do të jetë në gjendje të udhëtojë brenda BE-së pa kufizime të mëtejshme të udhëtimit.
Sidoqoftë, në rast të një mutacioni shqetësues në virus, parashikohet një “frenim emergjence”, me mundësinë e rivendosjes së kufizimeve të udhëtimit.
