Prishjet e dy ndërtimeve pa leje në Dhërmi kanë tensionuar Greqinë.
Shteti Helen reagoi para disa ditësh duke i kujtuar Shqipërisë “detyrimet” ndaj BE, por së fundmi një deklaratë e fortë vjen nga Presidenti grek, Prokopis Pavlopulos.
Ai i kujton Shqipërisë që duhet të përmbushë dhe të respektojë detyrimet ndaj minoritetit grek, si kusht për t’u anëtarësuar në Bashkimin Evropian.
Presidenti grek e cilëson shkelje provokuese të së drejtës së pronës nga autoritetet shqiptare në dëm të grekëve.
“Nuk duhet të harrohet se pakicës etnike greke duhet t’i respektohet në Shqipërinë fqinje çdo e drejtë ashtu siç u ka hije qytetarëve që jetojnë në sundimin e regjimit të ligjit të gjithë duhet të ndiejnë se jetojnë në një shtet të së drejtës dhe se sundimi i ligjit nuk është një grumbull gurësh, në Evropë nuk ka standarde të ndryshme për vende të ndryshme, ajo i ka të qarta kushtet për shtetet që duan të bëhen pjesë e ndërtimit evropian”, shtoi ai më tej.
