Pas referendumit, që sipas udhëheqësit të kurdëve të Irakut i jep pavarësinë Kurdistanit, jo vetëm qeveria qëndrore e Bagdatit është e shqetësuar, edhe Turqia ka reaguar ashpër ndaj një hapi të tillë.
Recep Tayyip Erdogan ka kërcënuar se kurdët do të vuajnë nga uria nëse nuk heqin dorë nga ideja e pavarësisë duke u kujtuar Kosovën.
“Kush e mbështeti referendumin, kush i njohu rezultatet? Vetëm Izraeli. Kosova u pranua nga 114 vende dhe sërish nuk arriti të bëhet shtet. Çfarë të mire do të sjellë njohja e Izraelit? Ju nuk keni as dijeni për politikën, as sesi bëhet shteti. Sapo ne të nisim sanksionet e të mbyllim valvulat e naftës, çdo gjë do të marrë fund. Sapo kamionët të reshtin së shkuari në veri të Irakut, atje nuk do të ketë më asgjë për të ngrënë”, tha Erdogan.
