Ish-ministri i Brendshëm, Saimir Tahiri ka lënë ambjentet e Prokurorisë së Krimeve të Rënda ku u mor në pyetje për rreth një orë lidhur me kërcënimin e Rektorit të Universitetit të Tiranës, Mynyr Koni nga Emiliano Shullazi.
Në një reagim të shkurtër për median Tahiri tha se dha kontributin e tij për një shtet më të fortë. Sipas tij, përpara ligjit të gjithë duhet të jenë të barabartë.
Më tej Tahiri tha: “Më vjen mirë që jam ftuar të dëshmoj për detyrën që kam bërë lidhur dhe me këtë rast, kur dy profesorët deklaruan se ishin kërcënuar. Përpara ligjit të gjithë duhet të jenë të barabartë”.
Ndërsa kur u pyet nga gazetarët nëse i ka mbetur peng si ish-ministër i Brendshëm që nuk arrestoi dot Kelmend Balilin, Tahiri u përgjigj se gjatë ushtrimit të detyrës së tij Balili u shpall në kërkim dhe nuk ka se si t’i shpëtojë drejtësisë.
