Nga Anila Hoxha
Sa kohë ke pa veshur një palë si këto këpucë i dashur shef?
Sa kohë ke pa i numëruar kacidhet e rrogës?
Sa kohë ke pa e ndjerë numërimin e kohës, kur nuk të hedhin orët shtese në punë?
Sa kohë ke pa u veshur me uniformën e dalë boje?
Sa kohë ke pa hipur në makinat e amortizuara që të lënë në mes të aksionit?
Sa kohë ke që veç po ngjitesh pa meritë dhe as që ia ke idenë se çfarë është polici, çfarë është sakrifica në emër të atdheut?
Sa kohë ke që tundesh para rreshtoreve me policë, duke u sjellë si agai i tyre?
Shihi pak këto këpucë në derën e shtëpisë të një polici të vrarë. Të një polici që jetoi varfër dhe vdiq varfër. Dhe la pas familje të varfër.
Janë këpucët e uniformës të Xhulio Prelës!
Prindërit e Xhulio Prelës, efektivi i FNSH-së vrarë në fundvit, i kanë vendosur këpucët e tij në hyrje te shtëpise. Ata vazhdojnë dhe presin një përgjigjje përse u vra djali i tyre, polic i shtetit. Vazhdojnë të presin një zyrtar policie që t’u thotë kush e vrau Xhulion.
Sa kohë ke që s’je më polic o shef?
