Këngëtarja Manjola Nallbani disa ditë më parë dhuroi një koncert recital mjaft të bukur për të gjithë artdashësit e saj.
Mes këngëve të kënduara ishte edhe një kushtuar së bijës që jeton në Londër, me të cilën ka treguar se është shumë e lidhur.
Në një intervistë për “Jo vetëm modë” me Orinda Hutën, këngëtarja e përlotur ka rrëfyer me emocion mbi dedikimin për vajzat e saj.
“Ne jemi prindër shumë të lidhur me fëmijët. Unë edhe kur shkoj jashtë dhe më thonë, akoma nuk je mësuar dhe unë u them: kurrë nuk kam për t’u mësuar. Sa të kem jetë nuk do mësohem me këtë gjë. Këtë këngë nuk desha ta këndoj në mes se e di se sa herë ta këndoj kam këtë lloj ndjesie!”, u shpreh ajo.
