Bashkia e Tiranës ka nisur ndërtimin e këndit të 15-të të lojrave në zonën e Kombinatit, i cili do të jetë i përshtatshëm edhe për fëmijët me aftësi ndryshe.
“Më vjen mirë që shumë pranë qendrës së Kombinatit po fillojmë punën për këndin e parë të kodrave, i përshtatur edhe për fëmijët me aftësi ndryshe, për fëmijët që mund të kenë nevoja të terapisë mendore, me autizëm ose me sindromën doën. Për herë të parë kemi një kënd lodrash, i cili përfshin të gjithë fëmijët, edhe për të gjithë nevojat që ata kanë”, tha Veliaj.
Krybashkiaku Erion Veliaj theksoi se Bashkia e Tiranës është e fokusuar për të vijuar punën në përmirësimin e gjithë infrastrukturës në kryeqytet, si të asaj rrugore, ashtu edhe asaj sociale e arsimore.
Veliaj tha se përveç investimeve madhore, puna do të fokusohet edhe te përmirësimi dhe rikualifikimi urban i lagjeve të ndryshme të njësisë.
Ai njoftoi se shumë shpejt do të fillojnë punimet për zonën që lidh Kombinatin me Sharrën, si dhe rehabilitimi i varrezave të Sharrës.
