Vijojnë ende protestat e banorëve të Unazës së Re në mbrojtje të shtëpive që rrezikojnë të shemben në kuadër të ndërtimit të projektit rrugor në këtë zonë.
Protestës së sotme i është bashkuar edhe kreu i Forumit Rinor të Partisë Demokratike, Belind Këlliçi i cili shpreh solidaritetin e forcës politike që ai përfaqëson me kauzën e banorëve, të cilën e quajti historike.
“I treguar Shqipërisë, por edhe Ballkanit e më gjerë, për një kauzë dhe qëndresë historike. Jeni ju që me qëndresën tuaj, me trimërinë tuaj, me shpresën që i keni dhënë shqiptarëve, keni bërë të mundur që të dalë në pah një mega-aferë, e cila u tregoi qytetarëve shqiptarë se cila është fytyra e kësaj qeverie”, u shpreh ndër të tjera Këlliçi.
Sot u shënua edhe muaji i 11-të i protestës së banorëve, të cilët kundërshtojnë projektin e qeverisë që u prish banesat.
