Kryetari i FRPD, Belind Këlliçi, iu kundërpërgjigj nga sheshi i protestës, deklaratës që dha nga salla e Kuvendit, Taulant Balla, se “kush do të prekë zgjedhjet do të dënohet me 8 vjet burg”.
“Zoti Balla të mbajë përgjegjësi sepse është subjekt i ligjit antimafia, ka deklaruar publikisht se ka miqësi të ngushtë me trafikantë ndërkombëtarë droge dhe i premtoj Balla që në Shqipëri do të ketë një qeveri që punon për shqiptarët dhe një drejtësi të çliruar, Balla do të jetë subjekt i drejtësisë së re dhe i Ligjit Antimafia. Nuk do të ketë më preferencë në zbatimin e ligjit në Shqipëri por do të ketë zbatim të ligjit të barabartë për çdo qytetar qofshin ata edhe politikanë.” tha Këlliçi.
Kujtojmë se ditën e sotme rreth 200 këpucë të të rinjve shqiptarë të cilët janë larguar nga Shqipëria, flamujt e vendeve ku kanë mërguar dhe parulla “Ti Shqipëri s’më jep nder, më jep emrin mërgimtar”, ishin simbolikat e të rinjve sot përpara Parlamentit.
