Filloi ndërtimi i varrezës së pestë të ushtarëve grekë në Këlcyrë. Ditën e shtunë përfaqësues të kishës greke dhe të Ministrisë së Mbrojtjes së Greqisë kryen pagesën e fundit në Bashkinë e Këlcyrës për ndërtimin e rreth 500 varreve bosh që do të simbolizojnë varrezën e ushtarëve grekë të Luftës italo-greke. Me ndërtimin e kësaj varreze në Këlcyrë realizohet projekti i vijës së Veriut të Epirit, të pretendimeve territoriale të Greqisë ndaj jugut të Shqipërisë. Varrezat e ushtarëve grekë gjenden në Bularat, Përmet, Këlcyrë, Çiflig të Korçës dhe në Boboshticë.
Varreza në Këlcyrë është brenda territorit të varrezave qytetare të qytetit, kurse ndërtimi i tyre është thjesht i jashtëligjshëm, ndërtim pa leje.
Nuk e dihet, nëse qeveria e Edi Ramës çfarë qëndrimi do mbajë për këtë varrezë për pretendime territoriale të Greqisë.
Nga fotot shihet që varret janë bërë të vogla me qëllim që parcela të zërë sa shumë varre të ushtarëve për “çlirimin e Veriut të Epirit”.
Qeveria e Rama 2 i plotësoi të tëra kërkesat e Greqisë si pesë varreza greke, ndryshimin e toponimeve, njohjen e Korçës dhe Himarës si zona greke, ndryshimet në tekstet shkollore termin “çam” dhe “Çamëri”, përkujtimin me ceremoni shtetërore nga ana e Shqipërisë për ushtarët grekë.
Për të gjitha plotësimet e orekseve greke Edi Rama nuk përfitoi asgjë në të mirë të shqiptarëve, përveç vulës apostile.
