Komisioni Evropian ka dhënë rekomandim pozitiv për hapjen e negociatave me Shqipërinë.
Shefja e Politikës së Jashtme të BE, Mogherini deklaroi zyrtarisht se KE vendos rekomandimin për hapjen e negociatave për Shqipërinë.
“Zgjerimi rrit stabilitetin dhe sigurinë. Procesi është ndërtuar në kushtëzim të drejtë dhe rigoroz dhe cdo vend vlerësohet në bazë të meritës së vet për reformat. Do të them pak fjalë për Ballkanin Perëndimor. Do të shkoj, në Tiranë, Shkup, Podgoricë dhe Beograd. Ballkani është Europë dhe do të jetë pjesë e së ardhmes së BE, të fortë dhe stabël, është përgjegjësi e përbashkët. Ky është momenti që njohim arritjet pozitive. Kemi forcuar angazhimin me rajonin përmes strategjisë për Ballkanin, që kreu Juncker dhe duke përgatitur edhe samitin. Ende nuk ka zgjerim apo angazhimi ynë është i madh. Nga gjashtë partnerët, Serbia dhe Mali i Zi kanë ecura mirë, sot KE vendos që të hapen negociata hapjen e negociatave për Shqipërinë dhe Maqedoninë, po punojmë për Bosnjen dhe progresin për Kosovën”, tha Federica Mogherini.
“Shqiptarët e meritojnë t’u njihen përpjekjet e bëra për anëtarësimin, ata kanë arsye sot për të qenë të gëzuar”, tha Vlahutin, teksa bëri të ditur se Mogherini do të jetë në Tiranë, për të nisur të mërkurën dhe takimet zyrtare.
