Dy faqe nga origjina e komedisë shqiptare, ku spikat korrigjimi i autorit mbi versionin e parë
“Katërmbëdhjetë vjeç dhëndër” është një ndër veprat më të spikatura të shkrimtarit të Rilindjes, Andon Zako Cajupi. Një komedi në vargje që përcjell frymën kritike të autorit për mendësitë dhe zakonet anakronike të jetës së fshatit shqiptar në ato vite. Komedia është shkruar në vitin 1902 dhe është pjesë e përmbledhjes poetike “Baba Tomorri”. Në këtë komedi, Çajupi ka krijuar skena që përcjellin një atmosferë humori popullor duke e bërë kaq të arrirë. Në komedi trajtohet zakoni i dikurshëm në fshatrat shqiptare të martesave në moshë shumë të vogël.
Tana është gruaja fshatare që kërkon të martojë të birin katërmbëdhjetë vjeçar me një vajzë më të madhe se ai…. “nuk do nuse për sisë, po për punët e shtëpisë”. E gjithë këmbëngulja e nënës lidhet me nevojën e saj për të marrë një krah pune në shtëpi për ta ndihmuar pasi burri i saj, siç ishte zakoni, nuk punonte. Historia ndërthuret me një sërë personazhezh groteskë që përcjellin më së miri komedinë realiste të zakoneve të kohës. Kjo komedi e Çajupit, ka hyrë në fondin klasik të veprave komike.
27.al e sjell për lexuesin dy faqe të versionit të parë të kësaj komedie të pavdekshme, ku spikasin korrigjimet e autorit.
