Dinamo e Tiranës koleksionon të dytën fitore radhazi në Kategorinë e Parë teksa mposhti në transfertë Orikun me rezultatin 2-4. Blutë kryeqytetas nuk e vendosën në asnjë moment në diskutim fitoren teksa shënuan dy gola të shpejtë, në minutat 19 dhe 21.
Autori i golit të parë ishte Smaci ndërsa braziliani Denilson dyfishoi shifrat. Fundi i pjesës së parë dhuroi edhe dy gola të tjerë me vendasit që fillimisht shkurtuan shifrat me anë të Matheus Batista ndërsa i menjëhershëm ishte reagimi i kryeqytetasve me Smacin që shënoi të tretin për Dinamon dhe të dytin personal.
Sa i takon fraksionit të dytë, Batista realizoi sërish për jugorët megjithatë mendoi Denilson në të 70-tën për t’i shuar shpresat kundërshtarëve. Kështu, 18 herë kampionët e Shqipërisë fituan tre pikë të rëndësishme për të “blinduar” kreun teksa shkuan në kuotën e 30 pikëve, ndërsa Oriku mbetet i parafundit në klasifikim me 12 pikë.
Nga ana tjetër, edhe Skënderbeu i Korçës ia doli të marrë fitoren e dytë radhazi në kampionat teksa mposhti në shtëpi Tërbunin e Pukës me rezultatin 2-0. Golat për skuadrën juglindore u shënuan nga ana e Dean Liços në minutën e 30-të të pjesës së parë me penallti, ndërsa në të 90-tën shënoi edhe Abubakari.
Pas këtij rezultati, Skënderbeu ngjitet në vendin e dytë me 26 pikë ndërsa Tërbuni nga ana tjetër, mbetet në vendin e 6 me 20 pikë. Ndërkohë, në ndeshjen tjetër të javës së 14-të.
