Në një nga ditët më të nxehta të vitit, moti ka surprizuar në disa zona në vend. Tirana dhe shumë qytete të tjera janë pushtuar sot nga i nxehti veçanërisht në orët e drekës.
Por ndryshe ka qenë situata në qytetin verior të Kukësit. Gjatë pasdites ky qytet është përfshirë nga reshje të shumta të shiut që kanë sjellë edhe përmbytje të disa prej rrugëve.
Uji ka hyrë nëpër dyqane, ndërsa automjetet kanë lëvizur me vështirësi për shkak të sasisë së madhe të reshjeve të shiut.
