Prokuroria e Durrësit i ka nisur një letër-porosi autoriteteve italiane për 500 mijë eurot e gjetura të fshehura në një kamion në Portin e Durrësit.
Prokuroria kërkon informacion mbi lëvizjen e kamionit në vendin fqinj, kontaktet që mund të ketë patur shoferi me persona të tjerë, ndonëse ai ka mohuar të ketë patur dijeni për ngarkesën e eurove, si dhe pamjet filmike nga kamerat.
Kamioni ka qëndruar përgjatë 4 ditëve në territorin italian dhe për këtë do të pyetën edhe personat që janë përfshirë apo kanë dijeni për ngjarjen. Mjeti e kryente shpesh rrugën përmes Durrësit dhe Barit me traget, dhe transprtonte materiale lëndë e parë për fasoneri që prodhojnë këpucë.
