Dje në Vlorë u kapën dy skafe me italianë në bord, dyshohet që të kenë lidhje me këtë rast
Guardia di Finanza ka arrestuar dy shtetash shqiptarë pasi po tentonin të trafikonin një sasi prej 1350 kg kanabis në drejtim të Italisë.
Shtetasit e arrestuar G.I., 24 vjeç dhe B.K. 52 vjeç , po trafikonin drogën drejt Italisë me skaf. Kapja e tyre është kryer falë aktivizimit prej 24 orësh të sinjaleve të alarmit nga pala shqiptare.
Policia italiane në bashkëpunim me njësitë operative të Guardia di Finanza në Durrës e Vlorë dhe atyre të Pulias u vu menjëherë në gadishmeri dhe pas identifikimit të mjetit lundrues janë vënë në ndjekje për ndalimin e skafit të kundraligjshëm dhe kapjen e trafikantëve.
Pas disa ore ndjekje u arrit të kapej skafi me 1350 kg kanabis në bord në afërsi të Barit.
Autoritet po vijonë hetimet për të zbuluar të implikuar të tjere në këtë trafik dhe lidhjet me dy mjetet lundruese të ndaluara në bregdetin shqiptar të Vlorës me skafistët italiane, vetëm një ditë më parë.
