Një ngarkesë prej 16 kg heroinë është kapur në portin e Ankonës nga Guardia di Finanza. Droga ishte fshehur brenda një kamioni të zbritur nga një anije që vinte nga Durrësi.
Në pranga ka rënë shoferi i kamionit, një 38-vjeçar ndërsa vazhdojnë hetimet për të zbuluar lidhjet e tij me persona që mund të ishin pritësit e heroinës në Itali.
Heroina ishte fshehur në një ndarje të veçantë brenda kamionit. 38-vjeçari shqiptar u shoqërua në hetuesi për t’u marrë në pyetje lidhur me ngarkesën e drogës, por mësohet se ai ka përdorur të drejtën për të mos iu përgjigjur pyetjeve.
