Kancelari gjerman Olaf Scholz ka paralajmëruar ditën sotme se shumë shpejt lidershipi i Rusisë do të kuptojë se çfarë çmimi të lartë duhet të paguaj për pushtimin e Ukrainës. Sakaq ai tregoi se do të rrisë fondet e ushtrisë gjermane deri në 100 miliardë euro.
“Presidenti i Rusisë Vladimir Putin nuk do ta ndryshoi mënyrën e tij brenda natës. Dje kemi vendosur që Gjermania të dërgojë armë drejt Ukrainës, në mënyrë që ata ta mbrojnë vetën. Agresioni Putinit, nuk na la rrugë tjetër që t’i përgjigjemi,” tha ai.
Scholz zbuloi gjithashtu se ai do të rriste përqindjen e prodhimit ekonomik të Gjermanisë të shpenzuar për mbrojtjen në 2% dhe do të ndajë 100 miliardë euro (112 miliardë dollarë) për forcat e saj të armatosura, në mënyrë që të modernizojë dhe pajisë më mirë ushtrinë e vendit, një zgjerim i konsiderueshëm i Gjermanisë në shpenzimet e mbrojtjes. Përveç tjerash, Scholz përmendi edhe sanksionet kundër Rusisë, të cilat i quajti si të paprecedenta
