“Kanabisi”/ Rama: Aksion agresiv për të goditur grupet kriminale

Kryeministri Edi Rama ka deklaruar se plani kombëtar për reduktimin në minimumin kombëtar të sasisë së kanabisit, mund të konsiderohet i përmbushur në mënyrën më shembullore.

Në mbledhjen e sotme të task forcës, Rama tha se drejtuesit e Policisë së Shtetit meritojnë një falënderim të veçantë, duke shtuar se kjo është një luftë që vazhdon dhe sot në këtë fazë të vitit, ka hyrë një kapitull i ri.

“Ky është sukses shumë i rëndësishëm, por është edhe një shembull kuptimplotë për sa shumë mund të bëjë Policia e Shtetit dhe sa shumë mund të bëhet përmes bashkëveprimit mes gjithë agjencive ligjzbatuese në raport me problematikat“, tha Rama.

Sipas kreut të qeverisë, tani nevojitet veprim më agresiv, për të arritur tek goditja e grupeve kriminale dhe aseteve të tyre.

Kombëtarja e të rejave U20 mundet nga Serbia me 94 pikë diferencë! Këto janë talentet e shkollave 12 milionë euro të Fidel Yllit?

“Fakti që policët nuk merren më me prerje bimësh por me imponimin e ligjit në gjithë territorit, është një arritje domethënëse dhe fryt i bashkëpunimit”, u shpreh Rama.