Ministrja e Jashtme, Olta Xhaçka, fillimisht inspektoi çadrat që janë vendosur në Komandën e Forcës Ajrore në Rinas, më pas, u zhvendos në godinat e Qytetit Studenti, ku refugjatët do të strehohen përkohësisht.
Raportohet se ata do të qëndrojnë aty deri në nisjen e sezonit të ri universitar, ndërsa më pas do të zhvendosen drejt Lezhës, në një kamp të posaçëm që do të ngrihet atje.
Ndërsa kryeministri Edi Rama në një intervistë të dhënë për mediat spanjolle ka bërë me dije se gjatë javës pritet që në vendin tonë të mbërrijnë dhe grupi i parë ië refugjatëve prej rreth 1000 personash.
Në një intervistë të dhënë për gazetën spanjolle El Periodiko, Rama ka theksuar se afganët që do të vijnë në vendin tonë do të jenë kryesisht gazetarë, punonjës social, mësues dhe bashkëpunëtore të trupave amerikane.
Ndër të tjera në mediat spanjolle theksohet se Shqipëria dhe Kosova, dy vende të vogla në Evropën juglindore, që kanë vendosur që ti bëjnë ballë pritjes së refugjatëve afgane, duke njoftuar se kanë dytësuar kërkesën e qeverisë amerikane për të pranuar një pjesë të të shpërngulurve që po i shpëtojnë kryengritjes talibane .
Një nismë e kritikuar nga disa sektorë të dy vendeve, por që kryeministri shqiptar, Edi Rama , dhe presidentja kosovare, Vjosa Osmani , kanë mbrojtur vendimin e tyre që më pas është ndjekur dhe nga vendet e tjera të Ballkanit.
