Kreu i Partise Konservatore, Kujtim Gjuzi ka deklaruar se zoteron një dosje, ku sipas tij mban 96 emra që do konsiderohen jo vetëm “non grata” por edhe përtej kësaj.
“Në dosjet tona ka gjithmonë edhe kush janë njerëzit që janë fshehur, vjedhur, grabitur shqiptarët për këto 30 vite demokraci me rreth 44 miliardë euro. Këto emra janë, departamenti i shtetit i ka, janë 96 emra që më kanë ardhur mua në e-mailin tim kur isha në zyrat e Kryesisë së Kuvendit, emra që do të konsiderohen jo vetëm non grata por edhe përtej kësaj,” tha Gjuzi per abcnews.al.
“E para këto emra unë nuk mund t’i bëj të ditur për arsye të pjesës të drejtimit të partisë konservatore që do të thotë më duhet që të kem jo vetëm emrat që kanë sjell ato por dhe akuzën e drejtpërdrejtë,” shtoi ai.
