Ismet Drishti ka një ide se si e ka “përjetuar” Ismal Kadare dorëzimin e imunitetit të deputetit nga Saimir Tahiri.
Ai reciton “Partia ime”…
Atë që dot s’ma jepte kush,
Partia ime ti ma dhe
N’armatë shoksh sup më sup
Më madhështoren përmbi dhe’.
Me mijra zemra që janë lidhur
Si enë komunikuese varg
Në dejt e mi me anë të tyre
Seç rrjedh ky gjaku yt i madh.
Dhe ja, po ndjej si gjaku yt
Me puls të njëjtë rreh në damarë
Që nga m’i thjeshti komunist
E gjer te sekretar’ i parë.
Të vjetrit shpesh hyjnitë i kanë
Me shumë flatra, sy e vesh;
Unë qesh me perënditë indiane
Me perënditë greke qesh.
Me sistem zemrash lidhur bashkë
Që ti, Partia jonë, na dhe
M’i thjeshti komunist në radhë
Ngrihet mbi qindra Prometè.
Se s’ka më mrekulli të madhe
Që në komune kështu të jesh;
Që në trup tënd gëzim e halle
Të mijëra shokëve të kesh.
Të ngjitet nga punetori i vjetër
Te burri i shtetit një merak,
Ose të zbresë nga burri i shtetit
Qederi i madh te bujku plak.
Dhe mua gjumi mos më marrë
Për faren që në fushë s’mbin
Për librin tim të keq fshatari
Të kthëhet njëzet herë në brinjë.
Të ndiesh, Parti, si gjaku yt
Me puls të njëjtë rreh në damarë
Që nga m’i thjeshti komunist
E gjerë tè sekretar’ i parë.
Unë qesh me perenditë indiane,
Me perenditë greke qesh.
Me ty unë jam i lartë si mallet
Pa ty, në çast si gogla vdes.
Me ty dhe dhëmbja më e thekshme
Ka vlerë më shumë se një gëzim.
Me ty do t’isha i pavdekshëm
Dhe sikur t’isha anonim.…
http://zjarr.tv/kadareja-per-saimir-tahirin-video-ekskluzive/
