Një banesë në Durrës ka marrë flakë për shkak të defekti elektrik. Banesa është e familjes Kollçaku në Durrës dhe i ka rrezikuar jetën zonjës së shtëpisë. Ngjarja e rëndë është regjistruar këtë mesditë në qytetin bregdetar.
Sipas familjarëve, përveç dëmeve materiale që u janë shkaktuar në banesë, zjarri u ka shkrumbuar edhe afro 40 mijë euro që mbanin cash në banesë. Pronarët shprehen se dëmet shkojnë deri në 50 mijë euro. Ata tregojnë gjithashtu edhe për rrezikun e kabullit të vendosur nga OSHEE ngjitur me apartamentin e tyre.
Ndër të tjera ata shtuan se kanë bërë shumë herë ankesë, por nuk u është marrë në konsideratë. Ende nuk dihet se çfarë do të bëhet me familjen Kollçaku që ka mbetur pa banesë.
