Ka një rrugë në Tiranë që nuk e njihni…

Nga Fatos Arapi

Ka një rrugë në Tiranë

Ka një rrugë në Tiranë
që nuk e njihni.
Kalo rrugën “Hakmarrja”, pa kthyer kokën:
sajohen në ajër gjarpërinjtë e gjakut.

Sapo hyn në “Urrejtje”
hidh në ajër tri herë
tri shpirtra ulliri- paqe dhe muzg.

Udhëkryqi i parë:
“Limoni harroi të lëshojë lule”.
Udhëkryqi i dytë: Këtu shpresa tradhëton
shpresën”.
Udhëkryqi i tretë:
“Edhe pak qiri ka mbetur”.