Misioni u krye me sukses! Dukej e pamundur por në futboll nuk flitet kurrë me siguri për diçka, pasi mund të ndodhë edhe që Juventusi i cili nisej në vend të dytë drejt Camp Nou, të parakalojë Barcelona dhe të fitojë grupin e tij!
Kjo vetëm pas një fitore të rëndësishme dhe historike për bardhezinjtë në fushën e katalanasve. Një sukses 3-0 që ishte e vetmja rrugë për të kapur kreun e grupit pasi në Torino Barcelona fitoi 2-0.
Një dominim absolut për bardhezinjtë në pjesën e parë, por sidomos një Ronaldo që në shtëpinë e Messit do të shënojë 2 gola, edhe pse të dy me 11-të metërsh (njëri i fituar nga vetë ai për duel me Araujo, kurse tjetri nga prekja me dorë e Lenglet).
Një ndeshje e tensionuar ku sigurisht arbitri përdori VAR të paktën 4 herë brenda 90 minutave për episode të dyshimta.
Në mes të dy golave të CR7, edhe ai i amerikanit McKennea, i jashtëzakonshëm për të ndërtuar aksionin dhe finalizuar.
Barcelona që iu afrua golit disa herë dhe Messi në një natë pafat dhe jo. De Jong luajti gjithashtu mirë, ndërsa shumë pak u panë Griezmann, Pjanic & Co.
Bonuçi shënon edhe të katërtin, por arbitri anulon me të drejtë. Juventusi është skuadra e parë italiane në histori që shënon 3 gola në Camp Nou.
https://m.youtube.com/watch?v=Zg0EDGszCro
