Nga Sokol Shameti
Që përpjekja për ta armiqësuar Kosovën me Shqipërinë, thjesht merr forma të ndryshme në kohë të ndryshme, e dëshmon edhe transformimi i emërtesës së flamurtarëve të kësaj armiqësie.
Ajo çfarë na ngroh në këtë histori të gjatë gjarpëruese për të shpikur me zor jo-shqiptaren në Kosovë është fakti se çdo përpjekje për të rivendosur një term të ri që i rivalizon “shqiptarit” dëshmon dështimin e përpjekjes së vjetër të mëparshme.
“Šiptari” është aty si dështim i “Jugosllav”-it. Dhe “Kosovari” ekziston si dështim i “Šiptari”-t. “Jugosllavi”, “Šiptari” dhe “Kosovari” janë thjesht pjata të ndryshme të së njëjtës gjellëtore.
Ai që nuk ndryshon është “shqiptari”. Ai është entiteti dominues, të cilin përpjekjet sfiduese synojnë ende më kot edhe pas 100 vjetësh, ta rrëzojnë.
