Ja cili është reagimi i pronarit të Zjarr TV pas futjes në listën e zezë të AKEP–it.
Një listë e shëmtuar u publikua para dy ditësh nga AKEP me 44 portale.
Duket që ajo listë nuk ishte hartuar në zyrat e atij institucioni thjeshtë për faktin se në fund të listës ishte edhe Zjarr.tv që nuk është subjekt i mbikqyrjes së këtij institucioni pasi Zjarr Televizion është në varësi direkte nga AMA.
Siç e shikoni në faqen zyrtare të AMA janë të gjitha të dhënat e kanalit tim televiziv.
Nëse fjala ime i djeg dikujt dhe kërkon të bëjë presion me të tilla metoda e sqaroj se as dhuna dhe as presioni shtetëror nuk do më thyejë dot!
Zoti Kryeministër, unë nuk jam pjesë e asnjë kazani e ky fakt mbase të shqetëson. Unë nuk kam marrë asnjë tender dhe asnjë kokërr leku nga buxheti i shtetit, qëkur ky shtet është krijuar dhe e kam ngritur çdo gjë me shpatullat e mia duke u ruajtur që të mos bëhem pis në ambjentet e politikës që janë të qelbura dhe po kutërbojnë deri në Washington! Zoti Kryeministër, ish-shoku im i fakultetit, të kujtoj që nuk ka burrë të me mbyllë gojën, pasi unë nuk shpif! Nuk jam si larot që i vinë rrotull selive partiake për të lëpirë ndonjë kockë!
Nëse humori im të dhemb Ty ose bashkëpunëtorëve të Tu shihni e gjejeni të keqen te vetja!
Unë jam gati të më bëhet Vetting, po ti a je?
Unë kam vetëm një Skënderbe! Ti nuk mund të jesh kurrë Skënderbeu im! Bëhu burrë, eja në Studio e ma thuaj në sy që jam pjesë e ndonjë kazani!
Ish-shoku yt i fakultetit
I varur veç nga Zoti
Ismet Drishti
https://zjarr.tv/ju-nuk-ma-mbyllni-dot-gojen-ismet-drishti-i-drejtohet-publikisht-edi-rames/
