Jona Spahiu ka qenë njëra prej protagonisteve të mbrëmjes së djeshme në programin “E ardhmja është vajzë”. Ajo ka rrëfyer për autoren dhe moderatoren e programit, Ermira Çausholli, detaje nga jeta e saj.
Pikërisht në rubrikën “Në Mundsh”, ku protagonistet flasin për vështirësinë e jetës, Jona ka rrëfyer për ndarjen nga jeta të babait të saj, megjithëse prej kohësh moderatorja të tilla rrëfime nuk i ka bërë, pasi i dukej sikur kërkonte një ndjenjë mëshire të panevojshme. Spahiu tregoi që i ati është larguar nga jeta, kur ajo ka qenë 18 vjeç, ndërsa në kohën e komunizmit ka bërë 24 vjet burg politik.
