Senatori amerikan John Mccain ka mbërritur sot për një vizitë në Tiranë, ku u prit në aeroportin e Rinasit nga ministrja e Mbrojtjes, Mimi Kodheli dhe ambasadori amerikan, Donald Lu.
Mccain ka zhvilluar një takim disa minuta me kryetarin e Parlamentit, Ilir Meta në selinë e Kuvendit të Shqipërisë.
Më pas, senatori amerikan ka nisur një takim me kryetarin e Partisë Demokratike, Lulzim Basha.
Senatori amerikan ka nisur një tur takimesh në Ballkan, ku më herët ka zhvilluar një vizitë në Serbi dhe në Kosovë.
