Numri i rasteve të dyshuara për prekje nga kolera në Jemen është rritur, duke shkuar në më shumë se 100,000 të prekur.
Organizata Botërore e Shëndetësisë bëri të ditur ditën e enjte se përhapja e shpejtë e sëmundjes në njësitë administrative të Jemenit po shkakton një katastrofë humanitare. Gjendja është rënduar edhe më tepër pas dy viteve të luftës civile që ka pezulluar shumicën e objekteve të kujdesit shëndetësor.
“Deri më sot, janë raportuar 101,820 raste të dyshuara kolera dhe 789 vdekje,” tha zëdhënësi i OBSH-Tarik Jashareviq për Reuters. OBSH ka paralajmëruar se numri i rasteve mund të ketë shkuar në 300.000, por numri ditor i rasteve të rejave ka rënë pak në javën e fundit në 3,432, krahasuar me atë paraardhëse me 3,651 raste. “Jemeni është në kthetrat e një epidemie të rëndë të kolerës,”-deklaroi OBSH .
Zyra humanitare tha se popullsia tani rrezikohet nga uria. “Fëmijët e paushqyer dhe gratë, njerëzit që jetojnë me kushte të tjera kronike shëndetësore dhe familjet që nuk kanë mjaftueshëm për të ngrënë, tani janë të rrezikuar më shumë nga vdekja. Ata përballen me “kërcënimin e trefishtë”, atë të konfliktit, nga uria dhe kolera.
