Në mesin e të arrestuarve nga operacioni “Trëndafili i erës” është edhe i afërmi i socialistit Saimir Tahiri, i cili dyshihet që prej vitesh ka mbuluar klanin mafioz të trafikimit të marijuanës. Grupi gjithashtu ka përdorur edhe makinën që më parë ishte në pronësi të Tahirit. “30 mijë Euro duhet t’ia japim atij”, është dëgjuar në përgjime, shkruan Meridionews.
Një lidhje farefisnore mund të thotë shumë. Sidomos kur një ish-ministër nuk është më në detyrë prej marsit, pas akuzave të shumta se ka mbrojtur trafikantët e drogës. Një Shqipëri lajmi i arrestimit të Moisi Habilajt ka shkaktuar një tërmet të vërtetë politik. 39-vjeçari i arrestuar ng policia italiane është kushëriri i ish-Ministrit të Mbrojtjes në Shqipëri. Ish-shefi i antidrogës së Fierit, Dritan Zagani, ishte i pari që foli për implikimin e Saimir Tahirit me klanin e Habilajve në Vlorë. Ai është detyruar të marrë strehim në Zvicër pasi dyshohet se ka shitur informacionin tek policia italiane, shkruan media italiane.
Një “Audi A8” e Tahirit është parë disa herë duke kaluar kufirin grek, por ai ka mohuar çdo lidhje me të duke thënë se ua ka shitur atë kushërinjve të tij. Moisi Habilaj ka disa biznese në Itali, ndërsa në Shqipëri edhe pse i përfshirë në ngjarje të dyshimta nuk është hetuar kurrë. Ai nuk është arrestuar edhe pse është fotografuar me eksponentë të rëndësishëm të shtetit, si për shembull me shefin e policisë kufitare të Dhërmiut.
Për kushëririn e ministrit, Shqipëria ka funksionuar për vite të tëra si zonë e lirë trafikimi. Një një nga përgjimet Moisiu i thotë bashkëbiseduesit të tij, pronar karburanti në Siçili: “Nëse vjen në Shqipëri ti e kupton se policia shqiptare është e korruptuar, ndonjëherë dhe vetë shefi i policisë të ndihmon me ngarkimin e çantave”, thuhet në shkrim.
