Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Java Çame/ Shoqata Çamëria: Më 22 qershor pelegrinazh në varrezat monumentale të Kllogjerit

Nga 27.al 0

Lidhur me javën Çame, kryetari i Shoqatës Çamëria, Dritan Sejko, ka njoftuar se më 22 qershor do të zhvillohet pelegrinazhi në varrezat monumentale të Kllogjerit dhe marshimi në Qafë Botë.

Në një deklaratë për mediat, Sejko bën me dije se më 26 qershor do të mbahen homazhe në kujtim të viktimave të Genocidit grek ndaj shqiptarëve të Çamerisë, tek Liqeni Artificial, Tiranë.

Deklarata e plotë

Të dashur bashkëpatriotë…

Viti 2019 përkon me 75 vjetorin e Genocidit të shovinizmit grek ndaj shqiptarëve të Çamërisë.
Në këtë kuader Shoqata Patriotike Çamëria ka organizuar një sërë aktivitetesh në përkujtim të ngjarjeve të ndryshme si dhe për të vleresuar figura të shquara që kanë dhënë kontributin e tyre për sensibilizimin e çështjes apo në zgjidhjen e saj.
Një pjesë e juaja ka qenë pjesëmarrëse në këto aktivitete dhe një pjese tjetër kanë dhënë edhe kontributin e tyre për organizimin e tyre.
Gjej rastin te shpreh falenderimet dhe mirënjohjen për çdonjërin prej jush.
Por moria e këtyre aktiviteteve kulmon me javën e kultures dhe historisë së Çamërisë.
Kalendari e kësaj jave eshtë bërë tashmë publik, por unë po e rikujtoj.
Datë 22 qershor ora 18:00, pelegrinazhi në varrezat monumentale të Kllogjerit dhe marshimi në Qafë Botë.
Datë 24 qershor ora 11:00, promovim i ribotimit të librit të autorit Fatos Mero Rrapaj, “Këngë popullore nga Çamëria”, në Akademinë e Shkencave Tiranë.
Datë 25 qershor ora 20:00, baleti “O.Taka”, vënë në skenë nga trupa e Baletit Kombëtar të Kosovës, në sallën e Teatrit Turbina, Tiranë.
Datë 26 qershor ora 19:30, homazhe në kujtim të viktimave të Genocidit grek ndaj shqiptarëve të Çamerisë, tek Liqeni Artificial, Tiranë.
Datë 27 qershor: Ora 11:00, Muzeu Historik Kombetar, ekspozita, “75 Vjet Genocid, Koha për Çamërinë.
Ora 17:00, Prishtinë, Kosovë. Marshimi për Çamërinë
Ora 18:00, Akademi Përkujtimore. Teatri Kombëtar, Prishtinë.
Ju bëj thirrje të bëheni pjesë në këto aktivitete, të gjithë patriotëve shqipëtarë por në veçanti, shqiptarëve të Çamërisë.
Sidomos, doja të theksoja të bëheni pjesë e pelegrinazhit të përvitshëm në Varrezat Monumentale te Kllogjërit dhe Marshimit në Qafë Botë, që këtë vit siç e thashë edhe me lart, do të organizohët ditën e shtunë datë 22 qershor.
Prezenca jonë sa më e madhe do të na tregojë se sa e afërt do të jëtë dita e zgjidhjes përfundimtare të çështjes çame.
Këmbëngulja, vendosmëria dhe masiviteti na e rrit besimin se dita po afron.
Duke ju falenderuar paraprakisht, shpreh bindjen se prezenca jonë ketë vit sidomos në Varrezat e Kllogjerit dhe Qafë Botë, do të jetë si asnjëherë më parë.
Çamëria është e të gjithë shqiptarëve.
Sot është koha për Çamërinë.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej