Më në fund ka filluar Euro 2016 siç ishte vendosur në orën 21:00 me ndeshjen hapëse Francë – Rumani në stadiumin e Parisit “Stade De France”. Ceremonia është hapur nga DJ i famshëm David Guetta cili së bashku me këngëtaren suedeze Zara Larsson kënduan himnin e këtij europiani, “This One’s for You”.
Në fushë kanë performuar rreth 150 valltarë. Nuk ka munguar edhe kulla “Eifel”, simboli i Parisit dhe Francës që është ngritur brenda impiantit. Gjithashtu është vërejtur gadishmëri e plotë nga autoritetet vendase, për shkak të kërcënimeve të sulmeve terroriste. Ceremonia ka zgjatur rreth 45 minuta. Më pas në fushë janë shfaqur lojtarët e dy skuadrave.
Kombëtarja e Didier Deschamps është një nga favoritet kryesore për të fituar Kampionatin Europian, por 11-shja e Iordanescut nuk është një kundërshtar i lehtë duke parë që është kualifikuar ne fazën eliminatore pa pësuar asnjë humbje (5 fitore dhe 5 barazime) duke pësuar vetëm dy gola.
Kombëtarja Franceze e cila e ka fituar dy herë Kampionatin Europian (më 1984 dhe në vitin 2000), kurrë nuk ka pësuar humbje kundër Rumanisë ne një ndeshje zyrtare. Kombëtarja Franceze sonte do të zhvillojë ndeshjen e saj të 33-të në stadiumin “Stade De France” dhe ka këtë bilanc (21 fitore, 8 barazime dhe 3 humbje).
Formacionet janë: Franca ( 4-3-3 ): Lloris; Sagna, Rami, Koscielny, Evra; Pogba, Kanté, Matuidi; Griezmann, Giroud, Payet. Trainer: Deschamps Rumania ( 4-2-3-1 ): Tatarusanu; Sapunaru, Chiriches, Grigore, Rat; Hoban, Pintili; Popa, Stancu, Stanciu, Andone. Trainer: Iordanescu
