Kjo është foto e një dëmtimi të dukshëm, që solli polemika në Spanjë. Mbrëmë në “Kamp Nou” u luajt takimi Barcelona – Atletiko Madrid dhe midis mbrojtësit mik, Felipe Luis dhe sulmuesit të Barçës pati momente nervozizmi. Ishte një ndërhyrje e gabuar e uruguajanit ndaj mbrojtësit të Atletikos, që i kushtoi edhe kartonin e verdhë, ndërkohë që kamera e fiksoi Suarez duke i thirrur me nervozizëm Felipe Luis: “Simulove, palaço”. Pas ndeshjes, mbrojtësi publikoi në Instagram foton e këmbës së tij të djathtë, shoqëruar me komentin: “Gjysma e së keqes që nuk më ka prekur”. I menjëhershëm ka qenë edhe reagimi i pakuptimtë i Suarez, i cili dihet që i ka të shpeshta rastet kur del jashtë kontrollit: “Futbolli është për burrat, në të kundërt shkojmë në cirk”.
