Goli i pabesueshëm
22 dhjetor 1973. Barcelona, atëherë larg namit të sotëm nuk kishte fituar Ligën asajkohe qysh prej 14 vitesh. Ishte ndeshja ndaj Atletikos së Madridit. Krujf luante me Barcelonën vetëm prej pak muajsh, që prej verës së 1973. Në minutën e 44-të hollandezi nënshkroi një gol të mrekullueshëm.
“Ishte një aksion që nisi nga e djathta, pas një goditje të fortë, pak të gjatë, kur të gjithë e menduam topin të humbur, sepse kishte arritur gati në lartësinë e vijës së portës, pikërisht atje Johan arrin duke vrapuar, kërcen në ajër, prek topin me thembër dhe e con mes krahëve të Miguel Reinës, portierit të Atletikos. Ishte thjesht e pabesueshme: “Të gjithë e pamë topin jashtë dhe askush nuk mund të besonte se çfarë pamë me sy. “Camp Nou” mbeti i shtangur. Si të gjithë ne, bashkëlojtarët e tij. Pastaj stadiumi shpërtheu nga gëzimi dhe ne vrapuam pas tij që ta merrnim në krahë,” tregon ish-shoku i tij i skuadrës, Juan Manuel Asensi. Ajo ishte një dhuratë e bukur për Krishtlindje. Atë sezon Barcelona fitoi kampionatin.
