Historiani Arben Llalla sapo ka botuar librin e tij me titull: “Kolaboracionistët grekë, projektuesit dhe udhëheqësit e genocidit në Çamëri”.
Autori hedh poshtë me fakte pretendimet e Greqisë se çamët ishin bashkëpunëtorë të italianëve dhe gjermanëve gjatë Luftës së Dytë Botërore. Në libër janë edhe rreth 60 fotografi të asaj kohe, ku tregohet bashkëpunimi i qeverive greke, vllehëve të Pindit, sllavëve të Greqisë me italianët, gjermanët dhe bullgarët. Në libër për herë të parë janë fotot e disa oficerëve të lartë të EDES, ushtrisë që drejtohet nga Napoleon Zerva, të cilët bënë maskara mbi popullsinë e pambrojtur shqiptare të Çamërisë.
Librin autori ua ka kushtuar dëshmorëve të Batalionit “Çamëria”, të cilët luftuan krah-përkrah me partizanët grekë të EAM-ELAS, kundër pushtuesit gjerman.
Kjo vepër botohet me rastin e 72 vjetorit të genocidit grek ndaj popullsisë shqiptare në Çamëri.
Ky është Vasil Ballumi, vrasësi i patriotit të njohur çam Jasim Sadikut, si dhe pjesëmarrës në genocidin e ndodhur në Çamëri.
Ky është oficeri i EDES, Konstandinos Gjeorgjios i njohur si Koço Nikolla, i cili ka vrarë me dhjetra pleq, gra dhe fëmijë çamë. Konstandinos Gjeorgjios është vrasësi i Tefik Qemalit nga Karbunari dhe Ahmet Qazimit
Ky është oficeri i lartë i ushtrisë EDES, Kristos Stavropulos, pjesëmarrës në genocidit. Ai ka nënshkruar ekzekutimet pa gjyq të qindra shqiptarëve në Çamëria 1944-1945. Në vitin 1953 Stavropulos u zgjodh kryetar i Gjykatës së Lartë të Greqisë.
