Ushtria italiane duket se po përgatitet për luftë dhe tregon se departamentet janë 100% gati. Në një qarkore të Shtabit të Ushtrisë italiane iu kërkohet departamenteve që të sigurojë se janë në nivelin më të lartë me stërvitje dhe me armë. “Vlerësoni me kujdes lejet, departamentet në gatishmëri operacionale 100% me fuqi, të orientuar drejt luftimeve. Sigurohuni deri sa të arrihen nivelet më të larta të efikasitetit të të gjitha automjeteve, helikopterëve dhe sistemeve të armëve të artilerisë”, raporton Ansa.
Për sa i përket personelit, kërkohet që të vlerësohet pushimi i parakohshëm sepse duhet bërë çdo përpjekje e mundshme që aftësitë e vlefshme të jenë të disponueshme. Ndër të tjera, bëhet me dije se edhe “strukturat shëndetësore” do të duhet të kenë parasysh angazhimet prioritare në raport me forcat në gatishmëri. Në dokumentin që u publikua nga Rifondazione Comunista-Sinistra Europea , tregohet gjithashtu që të shmanget sa më shumë “ndarja e njësive” dhe të vlerësohen të gjitha kërkesat në territorin kombëtar të cilat duhet të miratohen në nivelin qendror.
“Qarkorja e Shtabit të Përgjithshëm të Ushtrisë e datës 9 mars është shumë serioze. Ushtria jonë po përgatitet për të luftuar. Është demonstrim i qartë se vendi ynë është tashmë një palë bashkëluftëtare në konfliktin në vazhdim. Qytetarët mbahen në errësirë se si qeveria po na tërheq për fat të keq në një luftë, zhvillimet e së cilës, nëse vazhdojmë në këtë rrugë, do të jenë shkatërruese. Kushdo që ka shërbyer në ushtri për tridhjetë vitet e fundit nuk ka parë kurrë një qarkore të këtij lloji të Shtabit të Përgjithshëm të Ushtrisë.
Këtij mobilizimi fatkeq të trupave, i shtohet fakti se ende nuk dihet se çfarë armatimi po dërgojmë në Ukrainë. Qeveria t’ia sqarojë menjëherë vendit. Ne duhet ta ndalojmë këtë spirale lufte”, shprehet Maurizio Acerbo, sekretar kombëtar dhe Gregorio Piccin.
