Në 24 orë, Italia ka konfirmuar 19,037 raste të reja me koronavirus. Autoritetet e Shëndetit në vend raportuan gjithashtu 459 raste fatale të lidhura me koronavirusin.
Totali i të infektuarve në vend shkon tashmë në 2,028,354, kurse bilanci i viktimave shkon në 71,359, që nga fillimi i pandemisë e deri më tani. Në Lombardi u konfirmuan 2,628 raste pozitive nga 27,942 teste të kryera.
Provinca më e prekur është Milano, me 878 raste të reja, nga të cilat 332 në qytetin e Milanos, pasuar nga Brescia me 366, Pavia me 209 dhe Monza me 183.
Në pavijonin e kujdesit intensiv ndodhen 522 pacientë të shtruar ndërsa 3.976 pacientë të tjerë ndodhen në pavijonet e tjera Covid.
