Një grup kriminal i përbërë nga 9 persona që merrej me vjedhjen e eskavatorëve është zbuluar në Itali.
Ka qenë një qytetar që ka bërë denoncimin në polici dhe më pas, hetimet kanë zbuluar edhe grupimin kriminal që merrej me këtë veprimtari të jashtëligjshme.
Në krye të grupit që vidhte makinat ishte një shqiptar 47 vjeç, i cili bashkëpunonte ngushtë me një mikun e tij 35 vjeç i cili kishte një biznes në Shqipëri, të cilin dyshohet se e përdorte për shitjen e eskavatorëve.
Pas hetimeve prokuroria la në burg 5 persona ndërsa dy janë dërguar në arrest shtëpie. Mes të arrestuarve janë katër shqiptarë, dy me banim në Milano e dy në Emilia Romanja.
Krimet e hetuara nga organi i akuzës janë vjedhja, pastrimi i parave dhe marrja e mallrave të vjedhura. Gjashtë vjedhje janë konstatuar në vendet e ndërtimit në Italinë Veriore (Dalmine, Ridiamo, Tortona, tre në Fontevivo).
Vlera e automjeteve të vjedhura arrinte në rreth një 1,5 milion euro.
