Dy shqiptarë me akuzën për vjedhje të automjeteve dhe të apartamenteve nën kërcënimin e armëve kanë përfunduar në prangat e policisë italiane.
Shqiptarët e moshës 41 dhe 45 vjeç ishin pjesë e një bande prej 4 personash, të gjithë me kombësi shqiptare.
Mësohet se shqiptarët kanë qenë në ndjekje nga karabinierët që në shtator të vitit të kaluar.
Nga vëzhgimi i kamerave u zbulua se ata kishin dy garazhe nëntokësorë, ku grumbullonin makinat e vjedhura me qëllim që vendndodhja e tyre të mos zbulohej nga sistemet satelitore.
Dy të arrestuarit akuzohen për vjedhjen e 5 “Range Rover”, një makine të tipit “Jaguar F”, grabitje bizhuterish si dhe për vjedhje nën kërcënimin e armëve brenda shtëpive në provincat e Ravenna dhe Brescia.
Aksioni për kapjen e tyre u bë në momentin kur ata po vidhnin një Range Rover brenda një terminali. Në përpjekje për t’i shpëtuar policisë, automjeti u përmbys për shkak të shpejtësisë së madhe.
