Policia Italiane ka sekuestruar 590.95 kg marijaunë si dhe ka vënë në pranga dy shtetas shqiptar. Operacioni i policisë u zhvillua në afërsi të bregdetit të Pulias pasi pikasi një gomone në det të hapur.
Dy shqiptarët ë vënë në prangat e policisë janë shtetasit me inicilale H.R 35 vjeç dhe D.B 26 vjeç.
Policia italiane sqaron se pasi po bënin një patrullim në det kanë pikasur një gomone të dyshimtë që po i drejtohej bregdetit të Pulias. Pasi gomonia është arritur në mes të rrugës nga njesitë detare, në bordin e saj janë parë dy persona që deklaruan se kishin disa ditë në det, sepse iu ishte prishur motori.
Lënda narkotike u gjet në afërsi të gomone e hedhur në det, e cila ishte ndarë në 21 pako dhe arrinte peshën e 590.95 kg. Droga ishte hedhur në det nga skafistët sapo ata kishin vërejtur ardhjen e Guardia di Finanza. Mediat italiane raportojnë se nëse droga do të ishte hedhur në treg, do të arrinte shifrën e 6 milionë euro.
