Policia italiane ka bllokuar 900 kg kanabis, ndërsa ka arrestuar dy shqiptarë. Vlera e drogës së sekuestruar nëse do të dilte në treg do të kapte shifrën e 8 milionë eurove. Lënda narkotike ishte nisur nga Vlora, ndërsa shqiptarët e arrestuar janë K.B. 52 dhe B.A. 39 vjeç.
Guardia di Finanza në Bari ka pikasur gomonen e ngarkuar me kanabis duke e ndjekur, ndërsa pavarësisht tentativës së dy skafistëve për t’u larguar janë arrestuar. Gjatë ndjekjes trafikantët kanë hedhur një pjesë të ngarkesës në det.
