Mbi një 1.5 ton marijuanë janë sekuestruar në Bari të Italisë dhe janë arrestuar 3 shqiptarë. Policia italiane bën me dije se është sinjalizuar nga autoritetet shqiptare për trafikun e kësaj lënde narkotike dhe menjëherë është vënë në ndjekje të një gomoneje 10 metra të gjatë, e cila po udhëtonte me shpejtësi të madhe drejt brigjeve italiane dhe nuk u është përgjigjur thirrjeve për të ndaluar.
Ndjekja e e trafikantëve ka zgjatur disa minuta, dhe më pas gomonia është bllokuar. Në bordin e saj janë gjetur mbi 1.5 ton hashash, që në tregun italian do të kapte vlerën e 15 milionë eurove.
Tre shqiptarët e arrestuar janë të moshës 26, 34 dhe 42 vjeç.
Guardia Di Financa po punon për zbulimin e plotë të këtij rrjeti trafikantësh.
