Ekipet e shpëtimit pas ortekut që përfshiu hotelin Rogopiano në Pescarese,janë gjendur rreth 35 persona, gjashtë prej tyre janë gjetur të gjallë nga grupet e shpëtimit.
Rreth 25 të tjerë rezultojnë të zhdukur dhe pavarësisht se shpresat për gjetjen e tyre të gjallë po zbehen nga ora në orë, autoritet nuk heqin dorë nga kërkimet intensive.
Orteku goditi hotelin me 43 dhoma pranë malit Gran Sasso të mërkurën pas lëkundjeve të shumta të tokës në rajon. Dy persona që gjendeshin jashtë strukturës në atë moment, i mbijetuan tragjedisë.
22 vizitorë dhe 7 pjesëtarë të stafit ishin regjistruar në hotel, mes tyre edhe fëmijë, por autoritetet flasin për 35 vetë.
Orteku vërshoi mes orës 16 e 30 dhe 17 e 40 sipas mesazheve dhe telefonatave të bëra nga njerëzit atje, duke rrëzuar pjesërisht çatinë e duke zhvendosur godinën 10 metra larg themeleve të saj.
